Liedtexte sind in der Regel in Reimform aufgebaut. Doch nicht nur die Texte lassen sich in dieser Form abbilden – gleich der ganze Sing-Workshop wurde in ein Gedicht verpackt. Viel Spass beim Lesen!
Ds nöie Jahr isch no gar nid aut
u dusse isch es itze richtig chaut.
Üse Sing-Workshop hi mir i Agriff gno
u tüe au Wuche eis zäme stah.
Afa tüe mir geng mitem Körper Warm-Up,
das isch e luschtigä Bewegigs Cup.
Uf aui Site tüe mir üs strecke
u wäg si d Müdigkeite wo i üsnä Glieder stecke.
De gömer über zum summä,
bis töif abe zum brummä.
Hi mir erreicht üse Tonumfang,
vö mir a mitem Liedafang.
Tüe sofort die verschiedene Stimmlage lehre
u zwüschi vom Dütsch is Englisch cherä.
Mängisch tüe mir o es Gspässli mache,
de müesse mir über üs ganz fescht lache.
Vo Minute zu Minute wärde si feschter üsi Stimme,
dr bi ä wunderschönä Gsang tuet erklinge.
Itz tüe mir fliessig witer Probä
u vergässe dr bi üsi Sorgä.
Hetts di öppä gluschtig gmacht?
isch dies Inträsse dr bi erwacht?
Konzert hei mir ds Zäziwiu u ds Rüderswiu
hesch denn cho z luegä o dr wiu?
Im Internet uf musiclight chasch üs finge,
dert gsehsch was mir so aues tüe singe.
Auso, de gseh mir üs scho gli am Konzärt,
chasch de luegä das fägt.
Daniela
Kommentar schreiben